Nedy Famous Quotes & Sayings

1 Nedy Famous Sayings, Quotes and Quotation.

Share on Facebook Share on Twitter Share on Google+ Pinterest Share on Linkedin

Though Plente that is goddesse of rychesses hielde adoun with ful horn, and withdraweth nat hir hand, as many richesses as the see torneth upward sandes whan it is moeved with ravysshynge blastes, or elles as manye rychesses as ther schynen bryghte sterres in hevene on the sterry nyghtes; yit, for al that, mankende nolde nat cese to wepe wrecchide pleyntes. And al be it so that God resceyveth gladly hir preiers, and yyveth hem, as fool-large, moche gold, and apparayleth coveytous folk with noble or cleer honours; yit semeth hem haven igeten nothyng, but alwey hir cruel ravyne, devourynge al that they han geten, scheweth othere gapynges (that is to seyn, gapyn and desiren yit after mo rychesses.) What brydles myghte withholden to any certeyn ende the disordene covetise of men, whan evere the rather that it fletith in large yiftes, the more ay brenneth in hem the thurst of havynge? Certes he that qwakynge and dredful weneth hymselven nedy, he ne lyveth nevermo ryche.Geoffrey Chaucer Nedy Sayings By Geoffrey Chaucer: Though Plente that is goddesse of rychesses hielde adoun with ful horn, and withdraweth nat